PIUJUAANNARTITSISUMIK TAKORNARIARTITSINEQ
“Takornariartitsineq maannakkut siunissamilu aningaasaqarnikkut, inooqatigiinnikkut avatangiisitigullu sunnertinnissamut qajassuussisoq, tikeraat pisariaqartitaat, avatangiiseq najukkamilu tikeraarfinnik pingaartitsisoq”
Anguniagaq 8 – Isornaatsumik suliffeqarneq aningaasaqarnikkullu ineriartorneq:
Nunatsinniit aallaaveqartumik angalatitsinermik suliaqartut suliffeqarfiillu tapersersornerisigut neriuutigaarput Kalaallit Nunaanni inuusuttut akornanni ullumikkut annertoorujussuarmik suliffissaaleqiffiusoq pitsaasumik sunniuteqarfigissallutigu. Takornariaqarnerup qaffasinnerulersimanerani anguniagaqaraaput inuussuttut akornanni ilinniagaqarnissap suliffissaqartitsiniarnerullu iluani qaffassaaqataaffigissallutigik.
Anguniagaq 11 – Illoqarfiit nunaqqatigiillu piujuaannartitsisut:
Nunatsinniit nunatsinnut nunattalu iluani angalanermi isertitatigut najukkamilu takornariaqarnerup ineriartortittuarnissaa Taavanimut pingaartuuvoq. Najukkami inuiaqatigiit siunissami takornariaqarnermut nuannaarutiginnillutik najukkaminni ineriartortinneqarnissaat uatsinnut pingaaruteqarpoq.
Anguniagaq 13 – Silap pisussaa pillugu iliuuseqarneq:
Qeqertani mikisuni ineriartortut (SIDS) assigalugit nunatsinni timmisartukkut attaveqarneq pinngitsoorsinnaanngilarput takorniariaqarnerup qaffassarnissaa eqqarsaatigalugu. Taamattorli aniatitsinerup milliartuaartittuarnissaa anguniakkatsinnut ilaatittuassavarput, periarfissaqartillutalu timmisartuutsitseqatigiit CO2-mik aniatitsinikinnerulerniarlutik anguniagaqarlutik nutaaliaasunik atortulersornissamut aningaasaliisut toqqartassavagut. Taassuma saniatigut angalatitavut angalanerminni silap pisussaa pillugu suliniuteqarnitsinni qanoq ileqqulersorlutillu pissusilersortarnissaannut siunnersortassagatsigik.
Ilaasortaaneq
Ineriartornitsinni ilungersorluta peqatigiiffinni allattukkatsinni ilaasortanngornissarput sukkanerpaamik anguniarparput:
